YALAITI NINGEJUA......!!! (soma kisa hiki )

Jamaa mmoja ambaye alikuwa ni fundi mjenzi,Aliajiriwa kwenye kampuni moja kubwa sana na kufanya kazi kwa muda mrefu sana huku akipata sifa mbali mbali kuhusu utendaji wake kuwa bora. Hakulewa sifa alizidisha utendaji wake na kufanya kampuni hiyo kupata tenda nyingi za ujenzi wa nyumba.
Alipofikisha umri wa utuuzima sana akaamua kuandika barua ya kustaafu kwenye kampuni hiyo.
Mmiliki wa kampuni alimjibu kwamba wameridhia kustaafu kwake lakini walimuamuru amalizie ujenzi wa nyumba moja ya ghorofa ya mwisho katika ujenzi wake. Alichukizwa sana na tendo hilo la kuongezewa kazi nyingine wakati yeye alikuwa anataka astaafu. 

Hivyo aliamua kuifanya kazi hiyo kwa roho upande na kuifanya ovyo...sehemu ya mchanga mwingi anatia simenti kidogo na sehemu ya simenti nyingi anatia maji mengi sehemu ya chuma anaweka mbao na sehemu ya mbao imara anaweka za kawaida..... Alifanya hivyo mpaka nyumba ikakamilika.... alipomaliza alifurahi sana na kusema hapa sasa nimewakomoa vya kutosha.
Aliwasiliana na mabosi wake na kuwaambia kwamba kazi yao imeisha cha ajabu aliambiwa kwamba ofisi nzima itakuja kuangalia kazi hiyo kisha ataruhusiwa rasmi kustaafu...kwa kuwa alishaamua na liwalo na liwe akaamua kujikaza na kuwasubiri.

Baada ya masaa machache mabosi pamoja na wafanya kazi wengine wa kampuni walifika na kuanza kumpongeza kwa kustaafu kwake kisha boss wake akamwambia hii ilikuwa ni surprise ya kampuni yao kwa utendaji wake bora ndani ya kampuni....Hivyo walikuja na hati za nyumba hiyo zikiwa na jina la jamaa pia wakamwambia funguo ulizonazo ni za kwako kutoka sasa hivyo wewe ni mmiliki halali wa nyumba hii na hii ni zawadi yetu kwako.
 
JAMAA AKAANZA KULIA NA KUSEMA HII NI KAZI YA MIKONO YANGU.... YALAITI NINGEJUA! NINGELIIJENGA KWA UFANISI NA UBORA WA HALI YA JUU!

je kama ungelikuwa wewe ungefanayaje??????????

Imepokelewa kutoka kwa Jaabir R.A ambaye amesema: Mtume SAW amesema: ((Kila mja atafufuliwa katika hali aliyofia)).26

MAFUNZO TUNAYOPATA:
1. Kuwa na Hima ya kutenda mema na kubakia katika istiqaamah ili kitendo cha mwisho kabla ya kufariki kiwe ni kitendo chema, na kiwe ni kiliwazo siku ya kufufuliwa. [Al-Hijr 15: 99, Al-‘Imraan 3: 102].
((Wale ambao Malaika huwafisha katika hali njema, wakasema: Salaamun ‘Alaykum – amani iwe juu yenu. Ingieni Peponi kwa sababu ya yale [mema] mliyokuwa mkiyatenda)).

2. Umuhimu wa kupata husnul-khaatimah (mwisho mwema) kabla ya kuaga dunia na sio kuwa katika maasi, khasa pale mtu anapofikia katika umri mkubwa.

3. Umuhimu wa kuomba du’aa ya Sunnah: ((Allaahuuma Yaa Muqallibal-Quluub Thabbit Qalbiy 'Alaa Diynik – Ee Allaah Mgeuza nyoyo, Thibitisha moyo wangu katika Dini Yako))28, na Du’aa ya
Nabii Yuwsuf  (([Allaahumma] Anta Waliyyi fid-Duniya
wal-Aakhirah, Tawaffaniy Musliman wa-Alhiqniy bis-Swaalihiyn – Ee Allaah, Wewe ni Mlinzi wangu duniani na Aakhirah, Nifishie katika Uislamu na nikutanishe na waja Wema)), ili ajaaliwe mtu kuwa na
mwisho mwema kwani ((Allaah Huingia kati ya mtu na moyo)).

Ahsanteni.
Katibu~MYIC 2015.

DONDOO FUPI ZA KIKAO CHA MYIC 14/06/2015

MUHTASARI MFUPI WA KIKAO CHA JUMUIYA

14/06/2015

MUBAARAK CONFERENCE HALL

v  Kikao kilifunguliwa kwa dua saa 10:52 jioni na wajumbe kukaribishwa kikaoni kisha kutajwa ajenda za kikao.

AJENDA ZA KIKAO

*  Mchakato wa vitambulisho

*  Usajili wa jumuiya

*  Akaunti ya jumuiya

*  Uundaji wa kamati kuu

*  Mapato na matumizi

*  Mahudhurio vikaoni

*  Ushiriki katika matukio ya wanajumuiya

*  Miiko na maadili

*  Mustakbali wa jumuiya

*  Mengineyo:

·         Bodi ya wadhamini

·         Vyanzo vya mapato n.k

v  Mchakato wa Vitambulisho

Vitambulisho tayari vilishakuwa katika mchakato wa kuvitoa na kilichopelekea kukwama ni

a.       technical problem katika upande wa CAMERA, ambapo ziligoma kuonesha picha kwa upande vitambulisho vya viongozi kwa camera zote mbili zilizotumika hivyo kukawa na uzito.

b.      Kupiga passport wakiwa na sare ya aina moja kwa akina dada ambapo zoezi hili lilishindikana kufanyika ktk kikao cha tarehe 26/10/2014

Hata hivyo zoezi bado lipo katika mchakato na kikao cha jumapili 21/06/2015 litafanyika zoezi la upigaji picha.

v  Usajili wa jumuiya

Katika usajili tulishindwa kutimiza baadhi viambatanisho muhimu ambavyo ni sehemu ya masharti ya usajili na kutojua umuhimu wa kusajili jumuiya na faida zake,hivyo kupelekea kusuasua kwa zoezi hilo. Hata hivyo kutokana na hali ilivyo hivi sasa ya kuwa lazima tutambulike kwanza na taasisi fulan ndio tupate usajili, uongozi sasa unalazimika kutafuta njia rahis na isokuwa na vikwazo ili kusajili jumuiya hii ili kuepukana na urasimu uliopo.

v  Ufunguzi wa akaunti

Mchakato tayari ulishafanyika na kila kitu kilishakuwa tayari toka mwezi 11 mwaka jana juu ya ufunguzi wa akaunti ambayo itakuwa na jina la jumuiya yaan MYIC Account. Zoezi hili lilikwama baada ya kupata mkanganyiko wa taarifa;

a.       Mwanzo tuliambiwa kufungua akaunti kuna hitaji majina ya viongoz wa 3, picha zao pamoja na muhutasari wa kikao kinnacho ambatana na saini za wanajumuiya wote, ila tulipo kamilisha hili tukaambiwa akaunti itakayofunguliwa ni joint venture account amabyo haitakuwa na jina la jumuiya hivyo tukafeli.

b.      Sasa ili kufungua account yenye jina la jumuiya ni lazima jumuiya isajiliwe nan do utaratibu ambao umewekwa na wizara ya inayosimamia mashirika binafsi inavyosemekana, kwa hiyo hili nalo tukafeli kwakuwa hatuna usajili.

Kinachofanyika sasa ni ufuatiliaji ktk benki ya NMB tumedokezwa tunaweza kusajili bila ya usajili hivyo tupo katika kufuatilia.

v  UUNDAJI WA KAMATI KUU

Kutokana na umuhimu wa kamati hii ilikuwa iwe tayari toka siku nyingi na ilikuwa ni moja ya ajenda ktk kikao cha trh 26/10/2014 ila haikujadiliwa kiundani zaidi ya kuongeza idadi ya wajumbe kutoka wa 3 mpaka wa5 ili kuleta uwiano sawa na idadi ya viongoz ndan ya kamati hiyo ili yapatikane maamuz yasiyo na upendeleo. Hivyo kikao cha leo kimefanikiwa kuwapata hao wajumbe watano waliopitishwa na wanajumuiya wenyewe kwa hiari zao. Wajumbe hao ni;

1.      FAIDHA MWANYEMBA

2.      KULTHUM HASSAN

3.      MWANAKHATIBU OMAR

4.      HUSSEIN SENDARO

5.      HASSAN WAZIRI

v  MENGINEYO

Kutokana na muda ililazimika kujadili ajenda ya mengineyo ambapo mengi yalisemwa ;

A.    Kwann sherehe ya Ibrahim Masoud ilisimamiwa na wana mubaark na si jumuiya?

JB: tangu kupatikana kwa katibu, jumuiya haijihusishi na kuigharamia sherehe kwa ujumla wake ila ni utoaji wa zawadi na cheti cha pongezi na vilifanyika, na jumuiya pia ilikaa kikao trh 29/04/2015 kujadili uendeshaji wa hiyo sherehe hivyo jumuiya ilishiriki.

B.     Nini kimetokea kufanya jumuiya ifike hapa ilipofika?

JB: yapo mengi yalotokea ila sasa ni wakati muafaka kwa viongozi kujibu hoja kivitendo na kuacha blablah!

v  MAJUMUISHO NA KUFUNGA KIKAO

a.       Kila mwanajumuiya atatumiwa taarifa za madeni yake na atatakiwa kuonesha ushirikiano katika hili

b.      Kamati kuu itakutana ndani ya wiki hii ili kufanya maamuzi magumu kwa maslahi ya jumuiya na wanachama

c.       Itatumika orodha ya waliofika leo kuwapa taarifa kwa ajili ya kukutana jumapili ijayo kwa kuendelea na jenda zilizobaki.

d.      mahudhurio ya kikao kijacho ndo yatatumika  kama chujio la kuwachuja wasio kuwa active. Kutokuhudhuria ndio kujivua uanachama.

e.       Kikao kimeahirishwa mpaka jpili saa 3:00 asubuhi

FALSAFA YA MAISHA YA MUISLAMU II

NINATOKA WAPI?

                                                                              

Hili ni swali la pili la msingi. Watu wengi wamejaribu kutafuta jibu la swali hili, hata wengine wakabuni kuwa binadamu ametoka ghafla kwa bahati  nasibu. Mwaka 1971 Sharman M, mwandishi wa kitabu cha “Man, Civilization and Conquest” anasema “in the beginning 5000 million years ago, the Earth was spinning in space millions of years before there were any living plants or animals on it. 200 million years ago, there were plants, animals and birds on Earth millions of years before man appeared…..in 2 million years ago, there were also apes. Some of the apes after countless generations and more million years, became man-like….their brains become larger and their intelligent grew”(uk 1) hii yaonesha kuwa hakukuwa na dalili ya uumbaji kwa fikra zao ila ni mabadiliko tu ya kimaumbile ambayo yalikuwa yakitokea baada ya miaka milioni kadhaa na tena baada ya milioni kadhaa tena mabdiliko mengine yanatokea hata kuja kupatikana kwa sokwe ambaye naye baada ya miaka milioni kadhaa akawa binadamu kamili.Hii ni sababu ambayo kimsingi haina msingi wa kiakili, kwa sababu ikiwa hata utando wa buibui hauwezi kutokea kwa bahati nasibu, iweje binadamu na mpango wake wa kimaumbile atokee kwa bahati nasibu?. Wengine wanasema kuwa mtu alianza kuwa nyani ndipo akabadilika taratibu hadi akawa mtu huyo ni Charles Darwin katika kitabu chake “The Origin Of Species”, na Sharman 1971, anasema “the gorillas and chimpanzees are put into our family tree because they are (our) remote COUSINS” yaani sokwe na nyani hawa ni ndugu zetu wa mbali.

                                                                             

Huu ni uongo ambao hadi leo unafundishwa mashuleni. Hata hivyo hadi leo manyani ni manyani na watu ni watu tu na hakuna kiumbe yeyote aliyewahi kuonekana sehemu yeyote duniani akiwa nusu mtu nusu nyani akiwa bado yupo katika hayo mabadiliko. Sisi waislamu tunasema hakuna binadamu atayeweza kutuambia sisi binadamu asili yetu nini au tunatoka wapi kinyume na anavyotueleza Yule alotuumba. Watu wote sisi  ni wageni katika hii dunia hivyo hivyo ni muhali kutokea mtu akajifanya mwenyeji sana kiasi cha kujua asili ya watu wakati yeye naye kajikuta katika duniani kama binadamu wengine. Hivyo mwenyezi mungu pekee ndio anayeweza kutuambia sisi tunatoka wapi na asili yetu ni nini, Allah anasema
 

            “hakika ulimpitia binadamu katika dahali hakuwa ni mwenye kutajwa”(76:1) 

 Aya hii inatuambia kuwa kuna wakati tena mrefu tu ambapo mwanadamu hakuwapo kabisa, hivyo ni wazi kuwa alikuwa na mwanzo. Kuhusu mwanzo huu Allah anatuambia

 

“na (kumbuka) Mola wako alipowaambia Malaika hakika MIMI nitamuumba mtu kwa udongo mkavu unaotoa sauti,wenye kutokana na matope yaliyovunda!(15:28) 

Aya hii inatupasha habari ya kuumbwa kwa mtu baada ya muda mrefu kupita bila ya kuwepo dunia.Mtu aliumbwa kwa udongo, pengine mtu anaweza kubishia maelezo haya ya kuwa kaumbwa kwa udongo, maana inaweza kuwa vigumu kwake kulinganisha mwili wake unaowaka kwa mafuta na udongo. Lakini  kwa vile huu ni ulimwengu wa sayansi na teknolojia, tunaweza kuhakikisha maneno ya mwenyezi mungu ni ya kweli pasi na shaka kwa kuangalia uhusiano wa udongo na mwili wa binadamu. Ukichunguza mwili wa binadamu utakuta una aina mbalimbali za madini kama vile chuma,calcium,phosphate,iodine n.k ambayo mtu hawezi kuyapata sehemu yeyote ila ARDHINI kwenye udongo,hivyo basi kuna uhusiano mkubwa kati ya mwili wa mtu na udongo .vilevile ukichunguza mahitaji ya mwili wa binadamu anahitaji vitu hivi kwa mahitaji ya mwili wake na vitu hivi vipo ardhini lakini kwa udhaifu wake hawezi kuvipata, Allah (sw) kwa rehma zake akamuumbia mimea na kisha ile mimea akaipa kazi, kwa kila mmoja kufyonza aina fulani pekee ya madini. Kwa mfano, muwa unafyonza sukari kutoka ardhini na kuhifadhi katika shina lake ili mtu aipate kiurahisi, wanga unafyonzwa kupitia ngano,mahindi,mpunga n.k, mafuta yanafyonzwa na ufuta,alizeti,karanga,minazi,pamba n.k na protini inafyonzwa na mimea yenye asili ya maharagwe kama vile kunde,mbaazi,maharagwe n.k vyote hivi vinafyonzwa kutoka ardhini/udongoni ili vitumike kujenga mwili uloumbwa kwa udongo hivyo ni lazima ujengwe kwa asili yake ambayo ni UDONGO. 

                                                                

Mwenyezi Mungu anatukumbusha kwa kusema

 

“Hebu mtu na atazame chakula chake.Hakika Sisi tumemimina maji kwa nguvu.Tena tukaipasua pasua ardhi kwa nguvu. Kisha tukaotesha humo nafaka,Na zabibu, na mimea ya majani,Na mizaituni, na mitende, Na bustani zenye miti iliyo songana baraabara,Na matunda, na malisho ya wanyama; Kwa manufaa yenu na mifugo yenu. (80:25-32)

Chakula ndicho kina mahitaji ya mwili hivyo Allah katika aya hii anatupa picha jinsi ya vyakula aina mbalimbali vinavyotokana na mimea ya aina mbalimbali inayoota baada ya kupasuliwa ardhi kuonesha jinsi gani mwili wa binadmu ulivyo na mahusiano na ardhi/udongo. Na katika kusisitiza hilo Allah anasema (55:14)

                                                       Amemuumba mtu kwa udongo wa kinamo

 Picha anayotupa Allah (SW) hapa ni kuwa mtu aliumbwa kama sanamu iliyofinyangwa(fakhaari)

Na kumbuka 15:28-29) "Na Mola wako Mlezi alipo waambia Malaika: Hakika Mimi nitamuumba mtu kwa udongo unao toa sauti, unao tokana na matope yaliyo tiwa sura. Basi nitakapo mkamilisha na nikampulizia roho yangu, basi mumwangukie kumsujudia."

Hapa tunapata habari kwamba baada ya Allah kumuumba mtu kwa udongo kama sanamu, akampulizia roho, akampa uhai, na ndipo mtu akawa mtu kama tunavyomfahamu, anaona, anasema, anasikia n.k

Hivyo tunamalizia jibu letu la asili ya mwanadamu kwa kusema Binadamu ana Asili mbili:

ü                Asili ya UDONGO, ambao ni asili ya kitu duni na

ü                Asili ya ROHO, ambayo ni asili ya kitu kitukufu sana.

                                                                                               itaendelea................

FALSAFA YA MAISHA YA MUISLAMU I

MAISHA YA MUISLAM

Mwanadamu katika maisha yake yote hana budi kufahamu ana jukumu gani akiwa kama mwislamu katika dunia hii. Suala hili linakuja pale mwislamu anapojitambua (self-actualization) na kujitambua hakuwezekani mpaka mwislamu huyu ameweza kujibu maswali haya:-

      Mimi ni nani?

      Ninatoka wapi?

      Niko wapi na kwanini?

      Ninaelekea wapi?

      Mwisho wangu utakuwa nini?

Haya ni ndio tunayoyaita maswali ya msingi. Mwislamu anapoweza kujibu maswali haya na akazingatia majibu yake tunasema mtu huyo amejitambua iliyobaki ni kutekeleza tu katika utendaji wa kitu chochote kujitambua ndio jambo la msingi la kwanza kabisa. Kwa mfano: Meneja hawezi kuwa meneja mzuri kama hajitambui kwa maana kwamba haelewi ilikuwa meneja mzuri anatakiwa awe vipi na afanye mambo gani yanayomwajibikia, vivvyo hivyo muislamu hawezi kuwa muislamu safi kama haelewi aweje na aishi vipi.

Katika Makala hii tutajaribu kutoa maelekezo ya majibu fasah ya maswali haya ya msingi yanayomuwezesha muislam ajitambue na aishi kweli kama muislamu.

MIMI NI NANI?

 

Mtu anapoulizwa wewe ni nani mara nyingi hukimbilia kutaja jina lake. Kwa mfano: akasem mi ni kibabu, juma,zawadi,zainabu au kandoro. Lakini ukweli ni kuwa yeye si kibabu, si juma, si zawadi au kandoro kwani hili ni jina tu, kama ilivyo kwamba anashati,suruali, gauni na viatu.Sasa gauni, shati, suruali na viatu ambavyo vyote ni vyake tukiviweka pembeni yeye anabaki kuwa ni NANI? Kwa sababu kama ambavyo anaweza kubadilisha shati lake ,gauni au suruali na vitu vingine na jina pia anaweza kubadilisha. Yeye ni kile kisichoweza kubadilika. Vilevile anaweza kujibu mimi ni MTU. Bado jibu hili sio sahihi sana kwa vile hata UTU anaweza asiwe nao pia akawa na tabia za kinyamatu.Hivyo utu pia hubadilika hivyo mtu atatoa jibu fasaha na sahihi lisilo na utata kama atajibu mimi ni KIUMBE. Mtu anapojitabulisha kwamba ni kiumbe ni wazi kuwa anatambua asili ya kiumbe chochote kile ni kuumbwa na kukubali kwake kuwa kiumbe ni wazi kuwa anakubali yeye kaumbwa. Na ili ajitambue vyema ni lazima afahamu kaumbwa na nani. Hii ni wazi kwani hata mtoto mdogo hutambua kuwa amezaliwa na anapojitambulisha vizuri humtaja baba yake. Kiumbe anayejitambulisha vyema humjua muumba wake, SISI waislamu tunatambua muumba wetu ni MWENYEZI MUNGU (SW) hata watu wengine ambao sio waislamu wanatambua kuwa yupo muumba ingawa wanapuuzia ukweli huu au kumshirikisha.

NINATOKA WAPI?

itaendelea..........